اسلام آباد ۔ 06جولائی (اے پی پی) وزیراعظم دی معاون خصوصی برائے سماجی تحفظ ، غربت دا خاتمہ و چیئرپرسن بے نظیر انکم سپورٹ پروگرام ڈاکٹر ثانیہ نشترآکھیے جو احساس پروگرام دے فریم ورک دے تحت غربت مکاونڑ اتے سماجی تحفظ دا جیہڑا پروگرام شروع کیتا گئے بلا سود قرضے ، ہنر مندی دی تعلیم اتے اثاثیاں دی منتقلی ایں پروگرام دے ترائے وڈے پہلو ہین۔اے گالھ وزیراعظم دی معاون خصوصی برائے سماجی تحفظ ، غربت دا خاتمہ ، چیئرپرسن بے نظیر انکم سپورٹ پروگرام ڈاکٹر ثانیہ نشتر پریس کانفرنس کریندے آکھی۔ انہاں دا آکھنڑ ہا جو رورل سپورٹ پروگرام اتے اخوت سودھے بئے حکومتی ادارے اتے 22 توں ودھ این جی اوزوی احساس پروگرام دا حصہ ہین ،منصوبے نال 4 سال اچ ہک کروڑ61 لکھ لوک مستفید تھیسن جڈاں جو چار سال اچ مجموعی طورتے 42.65 ارب روپے توں معاشرے دے غریب طبقات دی فلاح وبہبوددے اقدامات کیتے ویسن،ہر مہینے 80 ہزارلوکاں کوں بلا سود قرضے ڈیونڑ توں علاوہ لکھاں لوکاں کوں نیوٹیک دے ذریعے ہنر مندی دی تربیت ڈتی ویسی،فریم ورک دے تحت ہرمہینے ہک نواں پروگرام گھن آسوں جیہڑا سماجی تحفظ کیتے ہک جامع منصوبے دا حصہ ہوسی۔
