اسلام آباد – 15 – آڪٽوبر (اي پي پي) وزيراعظم عمران خان جي ذخيره اندوزي ۽ ناجائز منافع خوري جي خلاف سخت قانوني ڪارروائي جي هدايت ڏيندي چيو ته شوگر ملن جي ن??راني جي لاءِ ٽريڪ اينڊ ٽريس سسٽم لاڳو ڪرڻ يقيني بڻايو وڃي ته جيئن کنڊ جي اصل پيداواري مقدار جو پتو لڳائي سگهجي. وزيراعظم عمران خان جي صدارت ۾ کنڊ جي قيمت وڪرو ۽ ذخيره اندوزي جي خلاف قدمن جي حوالي سان جائزه اجلاس منعقد ٿيو. اجلاس ۾ پنجاب جي وڏي وزير سردار عثمان بوزدار، احتساب وارو صلاحڪار ??هز??د اڪبر، خاص مددگار ڊاڪٽر شه??از گل ۽ سينئر آفيسر موجود هئا جڏهن ته پنجاب جو صنعت وارو صوبائي وزير ميان اسلم اقبال ۽ چيف سيڪريٽ??ي پنجاب وڊيو لنڪ جي ذريعي شريڪ ٿيا. وزيراعظم کنڊ جي ذخيره اندوزي ۽ ناجائز منافعي خوري جي خلاف سخت قانوني ڪارروائي جي هدايت ڪئي، وزيراعظم چيو ته شوگر ملن جي ن??راني لاءِ ٽريڪ اينڊ ٽريس سٽم لاڳو ڪرڻ يقيني بڻايو وڃي ته جيئن کنڊ جي اصل پيداواري مقدار جي خبر پئجي سگهي، ناجائز منافعو ڪمائيندڙ غريب عوام جا دشمن آهن ۽ رياست انهن عنصرن جي خلاف سخت ڪارروائي ڪندي. پنجاب جي چيف سيڪريٽري اجلاس کي آگاهه ڪيو ته صوبي ۾ کنڊ جي مقرر ڪيل وڪرو جي قيمت کي لاڳو ڪرڻ لاءِ سموري ضلعي انتظاميه کي ن??راني ڪرڻ جون هدايتون ڏنيون ويون آهن، ان ڏس ۾ ذخيره اندوزي ۽ ناجائز منافعو ڪمائڻ ۾ ملوث ماڻهن جي خلاف قانوني ڪارروائي جو عمل شروع آهي، ان کانسواءِ شوگر ملڪن تي سي سي ٽي وي ڪئميرا به لڳايا ويا آهن جنهن جي مدد سان ڪمند جو مقدار ۽ پيداوار ٿيل کنڊ جي ن??راني ڪئي ويندي، سمورين شگر ملن مان ڪرشنگ جي دوران روزاني جي بنياد تي معلومات به جمع ڪئي ويندي.
