اسلام آباد۔6اپریل(ا?? پی پی)وزیراعظم محمد شہباز شریف آکھیے جو عدالت عظمیٰ اپݨا فیصلہ وتیندے ہوئے فل کورٹ ٻݨآوے، صرف فل کورٹ دا فیصلہ ہی ساکوں قبول ہوسی، کوئی سیاسی جماعت الیکشن تآں ٻہڄ نئیں سڳدی، الیکشن توں ٻھڄݨ آلیاں دی سیاست دفنیج ویسی۔ اے ڳالھ انہاں اسلام آباد اچ لائرز کمپلیکس دا منݙھ ٻدھݨ ویلھے تقریب نال خطاب آکھی۔ تقریب اچ وفاقی وزیر قانون و انصاف اعظم نذیر تارڑ، وزیر داخلہ رانا ثناء اﷲ، پاکستان بار کونسل، اسلام آباد بار کونسل ات?? ٻیاں وکلا تنظیماں دے نمئندیاں شرکت کیتی۔ وزیراعظم آکھیے جو وکلاء عدل و انصاف کیتے ٻوہں اوکھ ݙٹھن ات?? قانون دی حکمرانی و عدلیہ بحالی کیتے قربانیاں ݙتن، عدلیہ دا احترام لازم اے ٻھل قانون ہر ہک کیتے ہکو سواں ہووݨا چاہیدے۔ انہاں آکھیے جو 63 اے دے قانون کوں ری رائیٹ کیتا ڳئے، نا ساݙی اپیل دا اتا پتا اے نا ہی سیاسی جماعتاں کوں سݨیا ڳئے، عدالت اپݨا فیصلہ وتیندے ہوئے بنچ توں انڄھ تھیوݨ آلے ججاں توں علاوہ کر فل کورٹ ٻݨاوے، ول جو وی فیصلہ آیا منیسوں۔ انہاں آکھیا جو ساکوں پاکستان ات?? اینداں آنداں نسلاں دا مستقبل محفوظ ٻݨاوݨ کیتے ذاتی مفاد ہک پاسے رکھݨا ہوسی۔
