اسلام آباد۔7جولائی(اے پی پی)وزیر اعظم شہباز شریف آکھیے جو حکومت تھرمل ذرائع نال مہانگی بجلی دی پیداوار تے خرچ تھیوݨ آلے قیمتی زرمبادلہ دی بچت کیتے شمسی توانائی دے ودھارے سانڳے پرعزم اے۔ اے ڳالھ انہاں چینی سفارت خانے دی ناظم الامور ??ینگ چنکسو دی اڳواݨی اچ چائنہ تھری گورجز انٹرنیشنل، کوہالہ ہائیڈرو پاور ??راجیکٹ اتے کروٹ ہائیڈرو پاور ??راجیکٹ دے ??فد نال الیندے آکھی۔ انہاں کروٹ ہائیڈرو پاور ??راجیکٹ دی ویلھے سر تکمیل اتے ایندا کمرشل آپریشن شروع تھیوݨ توں پہلے ہی پاکستان کوں بجلی مفت ݙیوݨ تے چائنہ تھری گورجز انٹرنیشنل دا شکریہ ادا کیتے۔ وزیر اعظم قابل تجدید توانائی ذرائع جیوین ہائیڈل، سولر اتے ونڈ نال بجلی پیدا کرݨ سانڳے رل مل تے کم کرݨ دا خواہش کیتی اتے ایں بارے ملک اچ متبادل توانائی نال قیمتی زرمبادلہ دے ذخائر بچاوݨ کیتے دستیاب وسائل استعمال کرݨ دا آکھیا۔ انہاں چائنہ تھری گورجز کوں ست توں اٹھ ہ??ار میگاواٹ بجلی ٻماوݨ کیتے جامع تکنیکی، مالی و معاشی پلان عید دے بعد ݙیوݨ دا آکھیے۔ وزیر اعظم کوہالہ ہائیڈرو پاور ??راجیکٹ کیتے سرمایہ کاری سائنو شور چائنہ توں ڳھنݨ کیتے لیٹر آف سپورٹ دی مدت اچ توسیع کریندے 20 جولائی تئیں نواں ایل او ایس جاری کرݨ اتے ایں بارے رکاوٹاں مکاوݨ دی ہدایت کیتی۔ ایں موقع تے لیگی رہنما شاہد خاقان عباسی، وفاقی وزیر انجینئیر خرم دستگیر، وفاقی وزیر آبی وسائل سیدخورشیداحمد شاہ، وزیراعظم دے مشیر احد چیمہ، وزیر اعظم دے معاون خصوصی ظفر الدین محمود اتے متعلقہ اعلی حکام وی موجود ہن۔
