اسلام آباد۔12اکتوبر (اے پی پی)وزیر خارجہ مخدوم شاہ محمود قریشی آکھیے جو تکڑی معیشت ملکی ترقی کیتے بہوں ضروری اے،ڈیجیٹل ڈپلو میسی نال ہی نویں صدی دے چلینجز دا مقابلہ کیتا ونج سگدے،ساکوں اپنڑی سفارتکاری جدید بنڑاونڑی ہوسی۔ اے گالھ انہاں اسلاما ٓباد اچ وزارت خارجہ اچ جدید ترین میڈیا سنٹر دی افتتاحی تقریب نال خطاب اچ آکھی۔انہاںا ٓکھیا جو میڈیا نمائندگان کوں وی وڈے چیلنج درپیش ہین،موثر بیانیے دی تشہیر کیتے میڈیا نال مضبوط گانڈھا ہوونڑ ضروری اے جیندے کیتے جدید طریقہ کار اپناونڑ دی لوڑھ اے،ایں سانگے وزارت خارجہ اچ پہلے ہی سٹریٹجک کمیونیکشن ڈویژن موجود اے۔ انہاںا ٓکھیے جو نائن الیون دے بعد مکاری نال بھارت کشمیریاں دی جدوجہد کوں دہشت گردی نال جور ڈتے تاں جو مظلوم کشمیریاں کوں دہشتگرد ثابت کر تے اپنڑے مظالم توں جگ دی توجہ ہٹائی ونجے،اساں جو کوں بھارت دا اصل چہرہ ڈکھائے اتے اج جگ وی منڑتے مجبور اے جو بھارت پاکستان اتے کشمیر ہی نئیں ہر جاہ تے دہشتگردی دا بانھ بیل اے۔ انہاںا ٓکھیے جو وزارت خارجہ جگ اچ موثر سفارتکاری اتے پاکستان دا مثبت امیج ابھارنڑ سودھا بھارتی مظالم، کشمیر وفلسطین دی صورتحال تے بئے عالمی معاملیاں کوں اگونہا کرنڑ کیتے جدید حکمت عملی تے کم کریندی پئی اے اتے ٹیکنالوجی تے انحصار ودھایا ویندا پئے۔
