اسلام آباد – 22 جنوري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته قائداعظم جي نظريي تحت جديد ۽ روشن پاڪستان جي معمار مسلم ليگ (ن) ئي آهي. هن اها ڳالهه عالمي اقتصادي فورم ۾ شرڪت جي لاءِ ڊيوس روانگي کان اڳ ڳالهائيندي چئي. مملڪتي وزير مريم اورنگزيب وزيراعظم شاهد خاقان عباسي سان گڏ ڊيوس ورلڊ اڪنامڪ فورم ۾ شرڪت، اسٽريٽجڪ آئوٽ لڪ ڏکڻ ايشيا، ايشيا گيم چينجر ۽ ڏکڻ ايشيائي صدي ۾ امن ۽ استحڪام جي تحفظ جي حوالي سان مذاڪري، اطلاعات ۽ تفريح جي نظام جي شروعات جي حوالي سان اسٽيورڊز اجلاس ۾ ڳالهه ٻولهه ۽ مستقبل جي تبديلين جي عنوان سان آجياڻي ۾ پڻ شرڪت ڪندي.
