اسلام آباد – 08 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان جو چين جو دورو ٻنهي ملڪن جي وچ ۾ گهري ۽ لازوال دوستي جي رشتن کي وڌيڪ مضبوط ڪندو، هماليا کان بلند، سمنڊ کان گهري ۽ ماکي کان مٺي دوست محبتن جو آئيندار آهي جنهن جي سڄي دنيا ۾ ڀرپور گونج ٻڌڻ ۾ اچي ٿي. اهو دورو معيشت ۽ سيڙپڪاري جي شعبن ۾ تعاون جي فروغ سميت اسٽريٽجڪ لاڳاپن کي وڌيڪ مستحڪم ڪندو.
