راولپنڈی۔20اپریل (اے پی پی):149 ویں پی ایم اے لانگ کورس،14 ویں مجاہد کورس،68 ویں انٹیگریٹڈ کورس اتے 23 ویں لیڈی کیڈٹ کورس دی پاسنگ آئوٹ پریڈ ہفتے کوں پاکستان ملٹری اکیڈمی کاکول اچ تھئی ۔پاس آئوٹ تھیوݨ آلے کیڈٹس اچ دوست ملکاں دے 49 کیڈٹس وی شامل ہن ۔آئی ایس پی آر توں جاری پریس ریلیز موجب چیئرمین جوائنٹس چیف آف سٹاف کمیٹی جنرل ساحر شمشاد مرزا پاسنگ آؤٹ پریڈ دے مہمان خصوصی جݙاں جو چیف آف ترکش جنرل سٹاف جنرل متین گوراک مہمان اعزاز ہن۔چئیرمین جوائنٹس چیف آف سٹاف کمیٹی پریڈ دا معائنہ اتے آپݨے خطاب اچ پاس آئوٹ تھیوݨ آلے کیڈٹس کوں مبارخ ݙتی ۔چیئرمین جوائنٹس چیف آف سٹاف کمیٹی اتے ترکش چیف آف جنرل سٹاف کیڈٹس کوں ایوارڈزنال نوازیا ۔اعزازی شمشیر سینئر انڈر افسر محمد نعمان عبداللہ تے پریذیڈنٹ گولڈ میڈل کمپنی سینئر انڈر افسر محمد عبداللہ جاوید (149پی ایم اے لانگ کورس)کوں عطاکیتا۔چئیرمین جوائنٹس چیف آف سٹاف کمیٹی اوورسیز گولڈ میڈل دوست ملک سعودی عرب دے سینئر انڈر افسر فہد بن عاقل التوارقی الفلاج کوں ݙتا ڳئے ۔چیف آف آرمی سٹاف کورس کین 14 ویں مجاہد کورس دے کورس جونیئر انڈر آفیسر الیاس خان کوں ݙتا ڳئے ۔کمانڈنٹ کینز 68 انٹیگریٹڈ کورس دے دانش ستار اتے 23 ویں لیڈی کیڈٹ کورس دی کورس انڈر افسر شیر بانو کوں ݙتا ڳئے ۔چیئرمین جوائنٹس چیف آف سٹاف کمیٹی پاس آؤٹ تھیوݨ آلے کیڈٹس تے انہاں دے والدین کوں پی ایم اے دی ٹریننگ مکمل کرݨ تے مبارخ ݙیندے ہوئیں آکھیے جو پاکستان آرمی اچ رلݨ آلیں سانڳے پی ایم اے ھک شاندار تے قائدانہ کردار دا حامل ادارہ اے۔پی ایم اے کئی سالاں توں وݙا تعداد اچ فارن کیڈٹس کوں وی ٹریننگ دیاں سہولتاں ݙتن ۔ جنھاں دی آپݨی آپݨی افواج اچ شاندار کارکردگی پی ایم اے دی پیشہ وارانہ صلاحیتاں دا مظہر اے۔انہاں آکھیے اڄ دی اے پریڈ نظم و ضبط دی ھک بہترین مثال اتے پاک فوج اتے اکیڈمی دی صلاحیتاں دی بہترین عکاسی کریندی اے ۔ ایندے توں پہلے اکیڈمی آمد تے چئیرمین جوائنٹس چیف آف سٹاف کمیٹی دا کمانڈنٹ پی ایم استقبال کیتا۔
