اسلام آباد ۔ 17 فروری (اے پی پی) وفاقی وزراءآکھیے جو سعودی ولی عہد شہزادہ محمد بن سلمان دا دورہ پاکستان تاریخی اتے نویں دور دی شروعات اے،سرمایہ کاری اتے اقتصادی تعلقات دی راہ نکلسی،سعودی عرب متبادل توانائی منصوبیاں اچ سرمایہ کاری چاہندے،برآمدات اچ تیکھے واضح ودھارا تھیسی ،پاکستان اچ توانائی دے شعبے اچ 50 تا 60 ارب ڈالر سرمایہ کاری دے موقع موجود ہین۔اے گالھ سرمایہ کاری بورڈاچ اعلی سطح دے سعودی وفدنال مالقات توں بعد میڈیانال الویندےا ٓکھی۔وفاقی وزیر خزانہ آکھیے جو سعودی عرب پاکستان اچ توانائی اتے متبادل توانائی دے شعبیاں اچ وی سرمایہ کاری کریسی جیہڑا چنگی گالھ اے۔وفاقی وزیر برائے توانائی عمر ایوب خان آکھیے جو پاکستان اچ توانائی دے شعبے اچ 50 تا 60 ارب ڈالر سرمایہ کاری دے موقع ہین، آندے ڈاہ سال اچ متبادل ذرائع نال بجلی دی پیداوار (انرجی مکس) کوں 17 فیصد تئیں ودھایا ویسی جیہڑا ایں ویلھے 4 فیصد اے،بجلی دی پیداواراچ 35 تا 40 ارب ڈالر ، ڈسٹری بیوشن اتے ٹرانسمیشن دے شعباں دی اپ گریڈیشن اچ وی 15 ارب ڈالر توں ودھ دی سرمایہ کاری تھی سگدی اے۔ وزیر اعظم دے مشیر برائے تجارت عبدالرزاق داﺅدآکھیے جو ملک اچ سرمایہ کاری دا نواں دور شروع تھیندا پئے، امید اے جو پاکستان اچ تیکھے برآمدات وی ودھ ویسن۔سرمایہ کاری بورڈ دے چیئرمین / وزیر مملکت ہارون شریف آکھیا جو ڈوہاں ملکاں وچال مختلف سمجھوتاں نال جگ اچ چنگاں سنیہا ویسی، ایں سانگے مفاہمت دی چار اہم یادداشتاں معدنیاتی وسائل، تیل صاف کرنڑ، پیٹروکیمیکل، قابل تجدید توانائی، بجلی بارے تعاون تے دستخط تھیسن جڈاں جو سعودی فنڈ برائے ترقی ولوں وی پاکستان دے مختلف منصوبیاں اچ سرمایہ کاری کیتے وی مفاہمت دیاں کئی یادداشتاں ( ایم او یوز)تے دستخط تھیسن۔
