اسلام آباد ۔ 16 مئی (اے پی پی) متحدہ عرب امارات 572پاکستانی قیدیاں دی رہائی دا اعلان کرڈتے جڈاں جو سعودی عرب توں پاکستانی قیدیاں دی رہائی دی وختی خوشخبری ملسی ۔ امریکا توں ڈی پورٹ تھیونڑ آلے 50 پاکستانی ملک واپس پج گن۔امریکا اتے ایران صبر و تحمل دا مظاہرہ تے معاملات گال مہاڑ دے ذریعے حل کرن ۔خلیج اچ امریکی بحری بیڑے دی تعیناتی نال خطے اچ تناﺅ اچ ودھارا تھیسی ۔دفتر خارجہ دے ترجمان ڈاکٹر محمد فیصل خمیس کوں ہفتہ وار پریس بریفنگ دے دوران آکھیے جو متحدہ عرب امارت 3ہزارتوں ودھ قیدیاں کوں عام معافی ڈیونڑ دا اعلان کیتے ۔انہاں اچوں 572پاکستانی قیدی وی شامل ہن جیرھے جو دبئی،العین، فجیرہ اتے شارجہ اچ مختلف جیلاں اچ قید ہن ۔ترجمان آکھیے جو پاکستانی قیدیاں دی وطن واپسی کیتے یو اے ای حکام نال مسلسل رابطے اچ ہوں تے واپسی دے انتظامات کیتے ویندے پن ۔سعودی عرب اچ پاکستانی قیدیاں دے حوالے نال ترجمان آکھیے جو ایں سلسلے اچ وختی چنگی خبر سنڑیسوں ۔امریکوں ولوں ڈی پورٹ پاکستانیاں دے حوالے نال ترجمان آکھیے جو امریکا توں ڈی پورٹ تھیونڑ آلے 50پاکستانی گزریل ڈینھ چارٹر فلائٹ دے ذریعے وطن واپس پج گن ۔ڈی پورٹیشن ڈوہیں ملکاں وچال ڈو پاسے ایجنڈے دا حصہ اے ۔امریکا ایران تناو متعلق ترجمانآکھیا جو ڈوہیں ملکاں کوں صبر دا مظاہرہ کرنڑ چاہیدے تے گال مہاڑ دے ذریعے معاملات کوں حل کرن ۔انہاں آکھیا جو خلیج اچ امریکی بحری بیڑے دی تعیناتی پریشان کن اے تے ایندے نال خطے دی صورت حال اچ مزید ودھارا تھیسی ۔ترجمان آکھیے جو کوئی وی غلط فہمی کہیں وڈے حادثے دا سبب بنڑ سگدی اے ۔ہک سوال دا جواب ڈیندے ہوئیں ترجمان آکھیا جو وزیر خارجہ شاہ محمود قریشی ایس سی او سمٹ توں پہلے 21اتے 22مئی کوں وزراءخارجہ کونسل دے اجلاس اچ شرکت کیتے بشکیک ویسن ۔شنگھائی تعاون تنظیم دا سربراہ اجلاس 13جون کوں بشکیک اچ تھیندا پئے جیں اچ وزیر اعظم عمران خان شرکت کریسن۔ہک سوال دے جواب اچ انہاں آکھیا جو اے معاملہ بھارتنال چاتے ایں معاملے کوں ہر فورم تے چیندے پیوں ،سانحے دے مرکزی مجرم سوامی آنند خود حملے اچ ملوث تھیونڑ دا اعتراف کیتا ہئی لیکنن بھارتی عدالتاں چھوڑ ڈتے ایندے توں وڈا ظلم کیا تھی سگدے ۔انہاں آکھیے جو بھارت عالمی برادری کوں گمراہ کرنڑ چھوڑ ڈیوے تے زمینی حقائق کوں تسلیم کرے ۔انہاں آکھیا جو پاکستان بھارت دے نال کشمیر سمیت سارے تصفیہ طلب معاملات تے مذاکرات کیتے تیار اے ۔
