اسلام آباد – 23 – جولائي (اي پي پي) نائب ??زيراعظم ۽ پرڏيهي وزير سينيٽر اسحاق ڊار چيو آهي ته پاڪستان ۽ ترڪمانستان اعليٰ سطح جي ڳالهه ٻولهه ۽ مٽاسٽا کي فروغ ڏيڻ تي اتفاق ڪيو آهي، ترڪمانستان جي قومي اڳواڻ قربان گلي بردي محمدوف جي پاڪستان جي دوري جا منتظر آهيون، سندس پاڪستان جو متوقع دورو ٻنهي ??لڪن جي وچ ۾ دوستاڻي لاڳاپن کي وڌيڪ سگهه ڏيندو. اهڙن خيالن جو اظهار هن پرڏيهي آفيس ۾ ترڪمانستانجي پرڏيهي وزير راشد ميريدوف سان گڏ پريس ڪانفرنس کي خطاب ڪندي ڪيو. نائب ??زيراعظم چيو ته پاڪستان ۽ ترڪمانستان جا لاڳاپا امن ۽ خوشحالي جي گڏيل نصب العين تي ٻڌل آهن. ٻنهي ??لڪن جي عوام جا هڪ ٻئي سان مضبوط لاڳاپا آهن. سينيٽر اسحاق ڊار چيو ته ملاقات ۾ اسان ٻطرفي ايجنڊا سان گڏ علائقائي ۽ عالمي اڳڀرائي جو پڻ احاطو ڪيو. ترڪمانستان جي پرڏيهي وزير جو پاڪستان جو دورو ٻطرفي مٽاسٽا ۽ تعاون جي فروغ جي عزم جو اظهار آهي. خوشي آهي ته پاڪستان ۽ ترڪمانستان جا لاڳاپا مثبت رخ ۾ گامزن آهن. هن چيو ته پاڪستان ۽ ترڪمانستان جي وچ ۾ ٻطرفا تاريخي ۽ ڀائراڻا لاڳاپا قائم آهن. گڏيل مشاورت جي ٽئين دور ۾ اسان مختلف شعبن ۾ ٻطرفن لاڳاپن جو جا??زو ورتو جڏهن ته اسان اعليٰ سطحي ڳالهه ٻولهه ۽ مٽاسٽا کي فروغ ڏيڻ تي پڻ اتفاق ڪيو آهي. نائب ??زيراعظم چيو ته اسان سياست، معيشت، دفاع سميت ٻين شعبن ۾ تعاون وڌيڪ سگهه ڏيڻ تي اتفاق ڪيو. واپار، سيڙپڪاري، توانائي ۽ آءِ ٽي جي ترجيحي شعبن ۾ رابطا وڌائڻ تي پڻ غور ڪيو آهي. هن چيو ته ترڪمانستان جي پرڏيهي وزير کي پاڪستان ۾ سيڙپڪاري جي لاءِ ايس آءِ ايف سي جي اهم ڪردار کان آگاهه ڪيو. اسان ترڪمانستان جي ڪمپنين کي پاڪستان ۾ سيڙپڪاري جي دعوت ڏيون ٿا. پاڪستاني بندرگاهون ٻنهي ??لڪن جي ڪاروباري برادري جي لاءِ پرڪشش موقعا فراهم ڪن ٿيون. ترڪمانستان جون ڪمپنيون گوادر ۽ ڪراچي بندرگاهن مان فائدو کڻن. نائب ??زيراعظم چيو ته تاپي گئس پائيپ لائين ۽ اليڪٽرسٽي ٽرانسميشن منصوبن تي پڻ ڳالهه ٻولهه ڪئي وئي ۽ ان جو جا??زو ورتو ويو. هن چيو ته پاڪستان ۽ ترڪمانستان آزاد ويزا پاليسي جي لاءِ گڏجي ڪم ڪندا. اسان ٻطرفي پارلياماني رابطن ۽ ثقافتي مٽاسٽا کي فروغ ڏيڻ تي اتفاق ڪيو آهي. تعليمي وظيفن ۽ عوامي سطح تي رابطن جي فروغ جو پڻ فيصلو ڪيو ويو آهي. سينيٽر اسحاق ڊار چيو ته اسان گڏيل قومن ۽ اي سي او سميت گهڻ رخي فورمز تي تعاون جي فروغ جي لاءِ پرعزم آهيون. هن چيو ته ترڪمانستان جي پرڏيهي وزير کي ڀارت جي غيرقانوني قبضي هيٺ ڄمون ۽ ڪشمير جي صورتحال کان پڻ آگاهه ڪيو. ان موقعي تي ترڪمانستان جي پرڏيهي وزير راشد ميريدوف چيو ته پاڪستان اسان جو ويجهو دوست ۽ ڀائر ملڪ آهي، مهمان نوازي تي نائب ??زيراعظم محمد اسحاق ڊار ۽ پاڪستان حڪومت جو ٿورائتو آهيان. هن چيو ته پاڪستاني هم منصب سان مختلف معاملن تي تفصيلي ڳالهه ٻولهه ٿي. اسان ٻطرفن لاڳاپن جي سمورن رخن جو جا??زو ورتو. ترڪمانستان جي پرڏيهي وزير چيو ته پاڪستان سان سائنس اينڊ ٽيڪنالاجي جي شعبي ۾ تعاون جي موقعن تي پڻ ڳالهه ٻولهه ٿي ۽ اسان تاپي گئس پائيپ لائين منصوبي تي اڳڀرائي جو پڻ جا??زو ورتو.
