اسلام آباد-13 جون (اي پي پي) ناڻي ۽ محصولن واري وفاقي وزير سينيٽر محمد اورنگ??يب چيو آهي ته ريٽيلرز کي ٽيڪس جي دائري ۾ آڻڻ ضروري آهي ته جيئن ٻين طبقن تي ٽيڪس جو بار گهٽ ٿئي. پوسٽ بجيٽ پريس ڪانفرنس کي خطاب ڪندي ??ن چيو ته اپريل ۾ رضاڪاراڻي رجسٽريشن تحت 75 واپارين رجسٽريشن ڪرائي هئي. مئي ۾ ايف بي آر 6 شهرن ۾ قدم کنيا جنهن جي نتيجي ۾ هن وقت تائين 31 هزار ريٽيلرز جي رجسٽريشن ٿي چڪي آهي. هي عمل جاري رهندو ۽ پهرين جولاءِ کان ريٽيلرز تي ٽيڪس لاڳو ڪيو ويندو. ناڻي واري وزير چيو هن وقت 9 ٽريلين رپين جي ڪرنسي گردش هيٺ آهي، ڊجيٽائزيشن ذريعي معاملا ??رست ٿي سگهن ٿا. اسان جي ڪوشش آهي ته ڪيش ٽرانزڪشن کي گهٽ کان گهٽ ۽ ختم ڪيو وڃي. پوائنٽ آف سيل رجسٽريشن جو سلسلو ٻيهر شروع ڪيو ويندو.
