اسلام آباد۔1جون (اے پی پی):وفاقی وزیر پاور ڈویژن سردار اویس لغاری آکھیے نیپرا دی طرفوں سہ ماہی ٹیرف ایڈجسٹمنٹ لاتی ویندی اے جیڑھی جو اڳلے ترائے مہینے دے ٻلاں اچ وصول کیتی ویندی اے ، جولائی تے اگست دے ٻلاں اچ سہ ماہی ایڈجسٹمنٹ دی کل قیمت 4.65 روپے توں گھٹ تے 93 پیسے رہ ویسی جیڑھا جو 3.72 روپے دی کمی بݨدی اے ۔ھک بیان اچ وفاقی وزیر پاور ڈویژن آکھیے اڄوکے سال 24-2023 دی ݙوجھی سہ ماہی دی ایڈجسٹمنٹ 2.75 روپے ہئی جیڑھی جو اپریل، مئی تے جون دے مہینے اچ وصول کیتی ویندی پئی اے ۔ انہاں آکھیے اڄ نیپرا تریجھی سہ ماہی دی ایڈجسٹمنٹ دا تعین کیتے جیڑھا جون، جولائی اتے اگست دے مہینے اچ وصول کیتی ویسی ۔ سردار اویس لغاری آکھیے جون اچ اے ایڈجسٹمنٹ 1.90 روپے ہوسی جیڑھی جولائی اتے اگست اچ گھٹ تے 93 پیسے رہ ویسی۔
