اسلام آباد۔27مئی(اے پی پی)وفاقی وزیر برائے اقتصادی ام??ر احد خان چیمہ نال ورلڈ بینک دی نویں آوݨ آلی کنٹری ڈائریکٹر بولورما امگابازار ملاقات کیتی۔ ایں موقع تے سبکدوش کنٹری ڈائریکٹر ناجی بن حسین وی موجود ہن۔ وفاقی وزیر، امگابازار کوں خوش آمدید آکھیا اَتے ناجی بن حسین دی پاکستان اچ خدمتاں خاص کر ورلڈ بینک نال شراکت داری دے ودھارے اچ انہاں دے کردار کوں سراہیا۔ انہاں امید کیتی جو نویں کنٹری ڈائریکٹر پاکستان اچ جاری ترقیاتی تعاو?? کوں ٻیا تکڑا کریسن اَتے کنٹری پارٹنرشپ فریم ورک (سی پی ایف) دے مؤثر نفاذ اچ اہم کردار ادا کریسن۔ وفاقی وزیر زور ݙتا جو وفاقی حکومت، ورلڈ بینک اَتے بئے ترقیاتی شراکت داراں دے تعاون نال صوبائی حکومتاں کوں ترقیاتی منصوبیاں دے نفاذ اچ ??دھ معاونت ݙیندی پئی اے۔ انہاں مالیاتی، توانائی اَتے اقتصادی اصلاحات کیتے حکومت دا عزم دوہرایا۔ ورلڈ بینک دے وفد حکومت پاکستان دی اصلاحاتی کوششاں اَتے صوبائی سطح تے مؤثر رابطہ کاری کوں سراہیا اَتے وزارت اقتصادی امور دے اہم کردار کوں تسلیم کریندے مستقبل اچ نیڑے دا تعاون جاری رکھݨ دے عزم دا اعادہ کیتا۔
