اسلام آباد۔1اپریل(اے پی پی) وزیر مملکت داخلہ طلال چوہدری لندن اچ تھیوݨ آلی بارڈر سیکورٹی سمٹ 2025 اچ شرکت کی??ی اے تے برطانیہ دی ہوم سیکرٹری یویٹ کوپر، برطانیہ دے نائب وزیر خارجہ ہیمش فالکنر تے انجیلا ایگل نال ملاقات کیتی ۔ سینیٹر طلال چوہدری جرمنی، سپین، آسٹریا اتے پولینڈ دے وزرائے داخلہ نال سرحدی سلام??ی اتے بین الاقوامی تعاو?? تے توجہ ݙیوݨ دے حوالے نال ڳالھ مہاڑ کیتی ۔ برطانوی حکام نال ڳالھ مہاڑ اچ طلال چوہدری غیر قانونی امیگریشن روکݨ تے ہجرت سانڳے قانونی رستے کوں ودھارا ݙیوݨ دی لوڑھ تے زور ݙتے۔ انہاں امیگریشن چیلنجزنال نبݨݨ سانڳے حکومت برطانیہ دی کوششاں دی تعریف کیتی تے ایں سلسلے اچ تعاون کوں تکڑا کرݨ سانڳے پاکستان دے عزم دا اظہار کیتے۔برطانیہ دے نائب وزیر خارجہ ہمیش فاکنر پاکستان دے وزیر داخلہ محسن نقوی نال گزریل ملاقات دے مثبت نتیجے کوں منیندے سلامتی دے امور تے ݙوپاسے تعاون اچ بہتری کوں اجاگر کیتے۔طلال چوہدری سرحدی سلامتی، انسداد دہشت گردی اتے انسانی سمگلنگ تے سانجھی حکمت عملی دی اہمیت تے زور ݙیندے آکھئے محفوظ، قانونی اتے منظم نقل مکانی یقینی بݨاوݨ سانڳے اجتماعی کارروائی ضروری اے۔انہاں غیر قانونی امیگریشن اتے سرحد پار جرائم نال نبݨݨ سانڳے عالمی تعاو?? تے پاکستان دے موقف دا اعادہ کریندے ایں ڳالھ تے زور ݙتے جو غیر قانونی نقل مکانی، دہشت گردی اتے انسانی سمگلنگ جیھے چیلنجز نال نبݨݨ سانڳے ھک جامع اتے طویل المدتی نقطہ نظر ضروری اے۔ انہاں آکھئے وزیراعظم اتے وزیر داخلہ دی ہدایات دے تحت پاکستان غیر قانونی امیگریشن نال نبݨݨ ، سرحدی حفاظت ودھاوݨ تے منظم جرائم مکاوݨ سانڳے عالمی سطح تے سرگرم عمل اے۔انہاں اے وی انکشاف کیتے جو پاکستان بارڈر سیکیورٹی سمٹ 2025 اچ اہم تجویزاں پیش کیتن، جیڑھا جو بین الاقوامی سلام??ی اتے نقل مکانی دے انتظام سانڳے اپݨے عزم کوں ظاہر کریندن
