اسلام آباد۔22جولائی(اے پی پی)وزیر خارجہ بلاول بھٹو زرداری ترک ہم منصب کوں ٹیلیفون کیتے اتے انہاں بلیک سی ریجن اچ تھیوݨ آلی اڳونہی تے الایا۔ اپݨے ٹویٹ اچ وزیر خارجہ بلاول بھٹو زرداری آکھیے جو اپݨے ٻھرا اتے ترک وزیر خارجہ حکان فیدن نال ڳالھ مہاڑ تھئی اے، ترک وزیر خارجہ نال بلیک سی ریجن معاملے تے الائے۔ بلاول بھٹو زرداری 2022ء اچ بلیک سی گرین کاریڈور تے تاریخی معاہدہ اچ کامیابی تے ترکیہ دیاں کوششاں دی تعریف کیتی۔ وزیر خارجہ معاہدہ دی بحالی سانڳے عالمی کوششوں تے اپݨے ہم منصب کوں ودھ حمایت دا یقین ݙیوائے۔
