اسلام آباد۔25اگست(اے پی پی)وزیراعظم محمد شہباز شریف گلگت بلتستان دے علاقے غذر اچ گلوف دی پہلے توں اطلاع ݙے تے سینکڑوں جاناں بچاوݨ آلے گلگت بلتستان دے 3 آجڑیاں ??ال وزیراعظم ہاؤس اسلام آباد اچ مل تے انہاں دی جرات و بہادری اتے فرض شناسی تے انہاں کوں شاباش ݙیندے گلگت بلتستان دا ہیرو قرار ݙتا۔ وزیراعظم گلگت دے آجڑیاں وصیت خان، انصار اتے محمد خان ??ال ملاقات کیتی اتے انہاں توں واقعے دیاں تفصیلات ڳھدیاں۔ وزیراعظم بر ویلھے اطلاع ݙے تے وستی دے 300 واسیاں دیاں جاناں بچاوݨ تے انہاں کوں شاباش ݙتی اتے آکھیا جو “او قوم دے ہیرو ہن اتے انہاں قومی خدمت توڑ پچائی اے۔ وزیراعظم ایں موقع تے وصیت خان، انصار اتے محمد خان کوں حکومت پاکستان ولوں 25، 25 لکھ روپے دے انعامی چیک وی ݙتن۔ وزیراعظم آکھیا جو انہاں دے ایں ویلھے سر اقدام ??ال میں سودھا پوری پاکستانی قوم کوں انہاں تے ماݨ اے، پہلے توں اطلاع پاروں علاقے کوں ویلھے تے خالی کرا تے سیکڑاں انساناں دیاں جاناں بچائیاں ڳئن۔ وزیراعظم آکھیا جو انسانیت دی خدمت دا اے اقدام ہمیشہ سوھݨے لفظاں اچ یاد رکھیا ویسی، وزارت موسمیاتی تبدیلی گلگت بلتستان اچ پہلے توں اطلاع دے نظام تے تیزی ??ال کم کریندی پئی اے، مستقبل کیتے اینڄھاں مربوط نظام بݨایا ویندا پئے جیندے ??ال ویلھے سر اطلاع پاروں کہیں وی ہنگامی صورتحال یا حادثے توں بچیا ونڄ سڳے۔ وصیت خان، انصار اتے محمد خان وزیراعظم دا شکریہ ادا کیتا اتے آکھیا جو “اللہ دے فضل ??ال او انسانی جاناں بچاوݨ اچ کامیاب تھئن جیںدے تے او اللہ دے شکر گزار ہن۔” ملاقات اچ وزیر اطلاعات و نشریات عطاء اللہ تارڑ وی موجود ہن۔
