بیجنگ۔25ستمبر(اے پی پی) وفاقی وزیر منصوبہ بندی ترقی و خصوصی اقدامات پروفیسر احسن اقبال آکھیے جو پاکستان اتے ??ین دے وچال دوستی سڑکاں دی تعمیر توں خلائی تحقیق و تسخیر دے پاسے ودھدی پئی اے۔ وزیر منصوبہ بندی چینی کمپنی سی آرآر سی کوں ??یم ایل-1 منصوبے کیتے مسابقتی لاڳت تے حصہ گھنݨ دی دعوت ݙیندے آکھیا جو پاکستان ریلوے کوں جدید، موثر اتے عالمی سطح تے مسابقت دے قابل بݨاوݨ کیتے ??وشش کریندے پئن۔ اے ڳالھ انہاں چین دے ہونان سیٹلائٹ سپیس ٹیکنالوجی اتے ٻئے اداریں دے دورے دے موقع تے متعلقہ حکام نال ڳالھ مہاڑ اچ آکھی۔ انہاں آکھیا جو چین دے تعاون نال سپیس ٹیکنالوجی اچ نواں باب رقم کرݨ ویندے پئن، خلائی ٹیکنالوجی پاکستان دے قومی ترقی دے اہداف حاصل کرݨ اچ مدد کریسی۔ وفاقی وزیرآکھیا جو ہونان سیٹلائٹ سپیس ٹیکنالوجی اتے پاکستانی انجینئر آپت دے تعاون نال سیٹلائٹس تیار کریندے پئن۔ احسن اقبال آکھیا جو سی پیک دے تلے پاکستان اتے ??ین خلائی ٹیکنالوجی اچ تعاون کوں ودھارا ݙیندے پئن۔ایں دوران وزیر منصوبہ بندی چینی کمپنی سی آر آر سی ژوژو لوکوموٹیو کمپنی لمیٹڈ دا وی دورہ کیتا۔ انہاں سی آرآر سی کوں ??یم ایل-1 منصوبے کیتے مسابقتی لاڳت تے حصہ گھنݨ دی دعوت ݙیندے آکھیا جو پاکستان ریلوے دا مستقبل جدید، موثر اتے عالمی سطح تے مسابقت دے قابل بݨاوݨ کیتے ??وشش کریندے پئن۔ انہاں آکھیا جو لوکوموٹیو پلانٹ کیتے پبلک پرائیویٹ پارٹنرشپ تے توجہ ݙیندے پئن، ریلوے دے شعبے اچ تعاون نال رابطیں اچ انقلاب آس??، خرچے گھٹ تھیسن اتے پاکستان اچ ترقی دی رفتار تکھی تھیسی۔ انہاں آکھیا جو پاکستان اتے ??ین رل مل تے جدید ریلوے دا مستقبل اڳوں ودھیندے پئن۔ وزیر منصوبہ بندی ذوزھو ٹائمز نیو میٹیریل ٹیکنالوجی کمپنی دا دورہ وی کیتا۔ انہاں ویہہ ملکاں دے مندوبین دے وفد دی قیادت کیتی۔ وفد کوں کمپنی دی جدید ٹیکنالوجی اتے تحقیق تے بریفنگ ݙتی ڳئی۔ وفاقی وزیر آکھیا جو جدید مٹیریل سائنس صنعتی ترقی اتے انفراسٹرکچر کیتے ضروری اے۔ انہاں آکھیا جو سی پیک فیز ٹو دے تناظر اچ نویں ٹیکنالوجیز توں بھرپور فیدہ چاتا ویسی، پاکستان اتے ??ین سائنسی تعاون کوں وسعت ݙیندے پئن۔ انہاں آکھیا جو صنعتی جدت معیشت کوں عالمی مسابقت دے قابل بݨیندی اے، پاکستان چینی ٹیکنالوجی توں سِکھ تے آپݨی صنعت اتے معیشت کوں نویں بنیاداں تے قائم کر سڳدے۔ انہاں آکھیا جو سائنس اتے ٹیکنالوجی دے شعبیں اچ چین دی ترقی دنیا کیتے مشعل راہ اے۔
