اسلام آباد ۔ 13 جنوری (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو سعید غنی صاحب دی لا علمی تے افسوس اے ، قوم دے مال دی لٹ مار تے کوڑے اعدادشمار تے معیشت چلاونڑ آلیں کوں اے علم ای کائنی جو وزیر اعظم عمران خان دی قیادت اچ ٹیکس وصولیاں اچ ودھارا تھئے ،اجوکے مالی سال دے چھی مہینے اچ حاصل کیتے گے ٹیکس 2085ارب ہن جیرھے جو پچھلے سال دے مقابلے اچ 16.4فیصد ودھ ہن۔ سنوار کوں ڈاکٹر فردوس عاشق اعوان اپنڑے ٹویٹ اچ آکھیے جو پچھلے سال دے مقابلے اچ درآمدات دی تعداد21فیصد گھٹ تھن جڈاں جو داخلی ٹیکس یعنی انکم ٹیکس، سیلز ٹیکس اتے ایکسائز ڈیوٹی اچ بالترتیب 21.2 فیصد ، 34 فیصد اتے 25.6 فیصد ودھارا تھئے۔ انہاں آکھیے جو سمارٹ فونز دے ذریعے سالانہ گوشوارے جمع کراونڑ کیتے ٹیکس آسان ایپ متعارف کرائی گی اے، عمران خان او پہلے وزیراعظم ہن جنہاں ملک اچ ٹیکس وصولیاں کوں تحریک دی شکل ڈتی تے ٹیکس نظام اچ اصلاحات تے کم شروع کیتے ۔ ڈاکٹر فردوس عاشق اعوان آکھیے جو ایف بی آر دے پورٹل تے لوکاں سے سفر ، زمین دے لین دین، ودہولڈنگ اتے گاڈیاں متعلق تفصیلات دستیاب ہن، ایں سال 105ارب دے ری فنڈ جاری تھئے جڈاں جو پچھلے سال 36ارب دے ری فنڈ جاری تھئے ہن۔
