اسلام آباد ۔20 ستمبر(اے پی پی) وفاقی وزیر قومی غذائی تحفظ و تحقیق رانا تنویر حسین ایں عزم دا اعادہ کیتے جو حکومت پاکستان کنوں سودھے ترشاوہ پَھلاں دی برآمدات ودھاوݨ کیتے کاشتکاراں، پروسیسنگ فیکٹریاں تے برآمد کنندگان کیتے ہر ممکن سہولت ݙیسی۔ وزارت قومی غذائی تحفظ و تحقیق دی طرفوں بیان وچ وفاقی وزیر آکھیا جو ڈپارٹمنٹ آف پلانٹ پروٹیکشن (ڈی پی پی) پاکست??ن دی ترشاوہ صنعت کوں عالمی سینیٹری تے فائیٹو سینیٹری (ایس پی ایس) معیار نال ہم آہنگ کرݨ وچ کلیدی کردار ادا کریندا پئے۔ انہاں ایں ڳالھ تے زور ݙتا جو حکومت پرعزم اے جو پاکستانی ??نوں نہ صرف اپݨی روایتی منڈیاں وچ مقام قائم رکھیسی بلکہ وسطی ا??شی??ء، روس، مشرق وسطیٰ، افریقہ تے یورپی یونین جیویں نویاں منڈیاں وچ وی کامیابی دے نال رسائی حاصل کریسی۔ رانا تنویر حسین کنوں دی برآمدات دے طریقہ کار وچ سہولت ݙیوݨ تے ڈی پی پی دی مسلسل کوششاں دی تعریف کیتی ، خاص طور تے برآمدی کھیپ وچ غیر ضروری کیڑے مار دوائیں دی جانچ دے عمل کوں گھٹاوݨ دے اقدامات ۔ انہاں آکھیا جو ازبکستان تے ٻیاں وسطی ا??شی??ئی ریاستاں کیتے نویں برآمد کنندگ??ن دی رجسٹریشن منڈیاں دے تنوع تے کاشتکاراں تے برآمد کنندگان کیتے تجارتی موقع ودھاوݨ دے پاسے اہم قدم اے۔ وفاقی وزیر طویل مدتی اقدامات کوں اجاگر کریندے ݙسایا جو ڈی پی پی سٹر س ریسرچ انسٹیٹیوٹ دی پوسٹ انٹری قرنطینہ سہولتاں کوں تسلیم کیتے، جیندے نال نویاں، بیماریاں دے خلاف مزاحم تے بے بج کنو قسماں متعارف کراوݨ دا رستہ ہموار تھیسی جیڑھیاں ودھ پیداوار تے صارفین کیتے بہتر کشش رکھیندن۔ انہاں مزید آکھیا جو سرگودھا، جیڑھا کنوں دی پیداوار دا ساریں توں وݙا مرکز اے، وچ ڈی پی پی دا عارضی آفس قائم کیتا ڳئے تاں جو برآمد کنندگان تے کاشتکاراں کوں موقع تے ہی سہولت ݙتی ونڄ سڳے تے برآمدی کھیپ دی وقتی کلیئرنس ممکن تھی سڳے۔ وفاقی وزیر پاکست??ن دی بین الاقوامی سطح تے فعال شمولیت دا ذکر کریندے ݙسایا جو اڄوکے روسی وفد نال اسلام آباد وچ تھیوݨ آلی ملاقات ایں ڳالھ دا ثبوت اے جو حکومت برآمدات کوں ودھاوݨ کیتے شراکت دار ملکاں دے نال تعاون کوں وسعت ݙیندی پئی اے۔ ایں مقصد کیتے مزید لیبارٹریاں کوں وی تسلیم کیتا ڳئے تاں جو زرعی اجناس دی جانچ تے تصدیق دے عمل کوں تکھا بݨایا ونڄ سڳے۔ رانا تنویر حسین آکھیا جو حکومت دی توجہ صرف تازہ پھلّاں دی برآمد تائیں محدود کائنی بلکہ ٻئے بج کنوں تے قدر وچ اضافہ شدہ مصنوعات جیویں جو جوس، کنسنٹ??یٹ تے ایسینشل آئل کوں وی ودھارا ݙتا ویندا پئے جیڑھے عالمی منڈیاں وچ ودھ منافع گھن آسڳدن۔ ایہو جیھے سلسلے وچ کاشتکاراں تے برآمد کنندگان کوں جدید تکنیک تے معیار تے عمل درآمد دی تربیت ݙیوݨ کیتے ورکشاپس تے پروگرامز وی منعقد کیتے ویندے پئن۔ انہاں آکھیا جو کنوں پاکست??ن دی زرعی طاقت دی علامت اے۔ کاشتکاراں تے برآمد کنندگان کوں سہولت ݙے تے، بہتر قسماں متعارف کرا تے تے نویاں منڈیاں تک رسائی ممکن بݨا تے حکومت پرعزم اے جو پاکستانی ترشاوہ پھلّاں کوں دنیا وچ ہک معتبر برانڈ بݨایا ونڄے۔
