اسلام آباد۔14جنوری(اے پی پی) وفاقی وزیر خزانہ سینیٹر محمد اورنگزیب پاکستان تے ہانگ کانگ وچال اقتصادی اتے سفارتی تعلقات کوں مزید تکڑا بݨاوݨ دی اہمیت تے زورݙتے۔ انہاں اے ڳالھ ہانگ کانگ سپیشل ایڈمنسٹریٹو ریجن (ایس اے آر) دے چیف ایگزیکٹو جون کے سی لی کوں ملاقات اچ آکھی ۔ ملاقات دا مقصد پاکستان اتے چینی خطہ ہانگ کانگ وچال ݙو پاسے تعاون کوں ودھاوݨ ہئی ۔ملاقات اچ وزیر خزانہ اتے چیف ایگزیکٹو لی اقتصادی تعاون، تجارتی تعلقات، سرمایہ کاری دے موقع اتے ثقافتی تبادلیں سودھے مختلف موضوعات تے تعمیری ڳالھ مہاڑ کیتی۔ ڳالھ مہاڑ دا مقصد ݙوہیں خطیں وچال نیڑے تعلقات کوں تکڑا بݨاوݨ تے مشترکہ ترقی تےخوشحالی دے موقع ڳولݨ ہئی ۔وزیرخزانہ پاکستان تے ہانگ کانگ وچال اقتصادی اتے سفارتی تعلقات کوں تکڑا کرݨ دی اہمیت تے زور ݙتا۔ انہاں مختلف شعبیں جیویں فنانس، ٹیکنالوجی اتے سیاحت اچ تعاون ودھاوݨ دی صلاحیت کوں اجاگر کیتے تے ݙوہیں خطے دے مشترکہ مفادات تے اقدار تے روشنی پاتی۔جون کے سی لی وزیر خزانہ دی آمد دا خیر مقدم کیتا تے پاکستان تے ہانگ کانگ وچال تعاون کوں ودھارا ݙیوݨ دے عزم عزم کوں دوہرائے۔ انہاں اقتصادی ترقی، جدت طرازی اتے ثقافتی تبادلیں کوں تکڑا بݨاوݨ سانڳے ٹھوس شراکت داریاں دی اہمیت کوں منیے تے ایں تعاون دے متوقع فیدے تے زرو ݙتا۔ وزیر خزانہ سینیٹر محمد اورنگزیب اتے چیف ایگزیکٹو جون کے سی لی وچال اے ملاقات فریقین دی ݙو طرفہ تعلقات کوں مستحکم کرݨ تے مختلف شعبیں اچ بامعنی تعاون دے موقع ڳولݨ دے عزم کوں ظاہر کریندی اے ۔بیجنگ اچ پاکستان دے سفیر خلیل ہاشمی اتے ہانگ کانگ اچ قونصل جنرل ریاض احمد شیخ وی ایں موقع تے موجود ہن۔
