نیویارک۔ 22 ستمبر (اے پی پی نائب وزیراعظم تے وزیر خارجہ سٹرر محمد اسحاق ڈار اقوام متحدہ دی جنرل اسمبلی دے 80ویں اجلاس اچ شرکت کیتے نیویارک پڄ ڳن۔ اجلاس 22 توں 26 ستمبر 2025ء تک جاری رہسی۔ پاکستانی وفد دی قیادت وزیراعظم محمد شہباز شریف کریسن۔ دفتر خارجہ توں جاری بیان موجب نیویارک آوݨ تے اقوام متحدہ اچ پاکستان دے مستقل مندوب عاصم افتخار احمد، امریکا اچ پاکستان دے سفیر رضوان سدیم تے پاکستانی سفارت خانے دے اعلیٰ حکام نائب وزیراعظم تے وزیر خارجہ دا استقبال کیتا۔ نیویارک اچ نائب وزیراعظم تے وزیر خارجہ بہوں مصروف وقت گزریسن۔ مختلف ملاقاتاں تے سرگرمیاں اچ وزیراعظم دے نال شرکت دے علاوہ نائب وزیراعظم تے وزیر خارجہ محمد اسحاق ڈار کئی وزارتی تے اعلیٰ سطحی اجلاساں اچ پاکستان دی نمائندگی کریسن۔ انہاں دی مختلف ممالک دے وزرائے خارجہ نال درجناں کنوں ودھ ملاقاتاں وی طے ہن۔
